Proactive သမားလား reactive သမားလား…
မိတ်ဆွေက ဘယ်လိုလူပါလဲ။
Reactive သမားတွေဟာ ပြောင်းလဲရမှာကို မုန်းတဲ့သူတွေများပါတယ်။
တော်ရုံလည်း မပြောင်းလဲချင်ကြပါဘူး။
ပြောင်းလဲခြင်းဆိုတာ သူဘာသာသူ လာမယ်လို့ ထင်နေကြတတ်တဲ့ သူတွေပါ။
ပြောင်းလဲရမယ်ဆိုလည်း ကိုယ်တိုင် တိုးတက်အောင် ကြိုးစားချင်ကြတာထက် ဖြစ်ပေါ်လာမယ့်
အခြေအနေတွေပေါ် ကို မူတည်ပြီးပဲ ပြောင်းလဲတတ်ကြပါတယ်။
အဲ့လို Reactive သမားတွေဟာ employee mindset ရှိကြတဲ့သူတွေများပါတယ်။
Proactive သမားတွေဟာ ကိုယ်ကိုတိုင်က တစ်နေ့ထက်တစ်နေ့ ဘယ်လို ပိုကောင်းအောင် လုပ်ရမလဲ၊
တိုးတက်အောင် ဘယ်နည်းတွေ သုံးပြီး ကြိုးစားရမလဲဆိုပြီး အမြဲ ရှာကြံ လုပ်ဆောင်နေတတ်ပါတယ်။
ပြောင်းလဲခြင်းဆိုတာ ကိုယ်ကိုတိုင် လုပ်မှ ရမယ်လို့ သတ်မှတ်ထားတတ်ကြတဲ့သူတွေပါ။
ဒါကြောင့်လည်း တိုးတက်ကောင်းမွန်တဲ့ ဘဝတွေ ကို ဖြစ်လာဖို့ကို ကိုယ်တိုင် ပုံဖော်တတ်ကြပါတယ်။
ကိုယ်တိုင် ပုံဖော်မှလည်း အားရတတ်ကြတဲ့သူတွေပါ။
Proactive သမားတွေဟာ owner’s mindset ရှိကြတဲ့သူတွေပဲ ဖြစ်ပါတယ်။
Proactive ဖြစ်ချင်လား၊ Reactive ဖြစ်ချင်လား ဆိုတာ မိတ်ဆွေရဲ့ ရွေးချယ်မှုပါ။
သိပ်မပင်ပန်းချင်ရင်တော့ Reactive သမား လိုပဲဲနေပေါ့ဗျာ…
ဒါပေမယ့် ဘဝကို တိုးတက်ချင်တယ်၊ ပြောင်းလဲအောင် ကြိုးစားချင်တယ် ဆိုရင် Proactive သမားလိုနေပြီး ကိုယ်တိုင်လုပ်မှ ရမယ်ဆိုတဲ့ စိတ်ထည့်ပြီး လုပ်ဆောင်နေရပါမယ်။
ဒီလို လုပ်ဆောင်တဲ့နေရာမှာ အကျိုးရှိစေမည့် အချက် (၅) ချက် ကို ပြောပြပေးသွားပါမယ်။
၁။ ။ ဘာဖြစ်ချင်လည်းဆိုတာ သိအောင် ကြိုးစားပါ။
ဘဝမှာ ဘာဖြစ်ချင်ဆိုတာ သဲသဲကွဲကွဲ သိဖို့လိုပါမယ််။
သိသွားရင် ဖြစ်ချင်တဲ့ နေရာကို ဘယ်လိုရောက်အောင် သွားမလဲဲ ဆိုတာ စဥ်းစားရမယ်။
သင့်ရဲ့ ဖြစ်ချင်တဲ့ အရာတွေက ဖြစ်အောင် ဘယ်လိုအကြောင်းအရာတွေက ကူညီပေးနိုင်မလည်း၊ ဘယ်လိုတွေလုပ်ရင် အောင်မြင်မှုကို ရနိုင်မလည်းဆိုတာကို သေချာ ချရေးဖို့လိုပါတယ်။
၂။ ။ရည်မှန်းချက် ကြီးကြီးထားပါ
ကိုယ် နောက် ၁ နှစ်မှာ ဘာဖြစ်ရမယ်၊
နောက် ၃ နှစ်မှ ဘာဖြစ်ရမယ််၊
နောက် ၅ နှစ်မှာ ဘာဖြစ်ရမယ် ဆိုပြီး ဖြစ်ရမည့် အရာကို လည်း ရည်မှှန်းချက်ကြီးကြီးထားပြီး
ကိုယ်က ဘယ်နေရာကို ရောက်နေပြီဆိုတာ အမြဲ သိရအောင် mornitor လုပ်နေသင့်ပါတယ်။
၃။ ။ ခက်ခဲတဲ့ ပန်းတိုင်းတွေ၊ ရည်မှန်းချက်တွေ ထားပါ။
လွယ်လွယ်ကူကူ မရရင် လူတွေက ပိုပြီး တန်ဖိုးထားတတ်ပါတယ်။
ဒါကြောင့်လည်း ကိုယ့်ရဲ့ ရည်မှန်းချက်တွေကို ခက်ခဲအောင် ထားမယ်ဆိုရင် အဲ့လို ခက်ခဲတဲ့ ရည်မှန်းချက်တွေကို ဖြစ်အောင် ကြိုးစားဖို့ အမြဲ စဥ်းစားလုံးပန်းနေမှာပါ။
၄။ ။ ကြီးကြီးရအောင် သေးသေးက စနစ်တကျ လုပ်ပါ။
နေ့စဥ်၊ အပတ်စဥ် သေးငယ်တဲ့ ပန်းတိုင်လေးတွေကို ဖြည်းဖြည်းချင်း အောင်မြင်အောင်လုပ်ပြီး ကြီးမားတဲ့ ရည်မှန်းချက်ဆီကို ဆက်ချီတက်ပါ။
ဒီလိုဆို ကြီးမားတဲ့ ပန်တိုင်တွေက ပုံပေါ်လာပြီး ရရှိဖို့ လွယ်ကူလာမှာပါ။
၅။ ။ Scheduled Reviews
နောက်ဆုံး လိုအပ်တာက ကိုယ် ပန်းတိုင်ရောက်အောင်ကြိုးစားနေတာတွေက ဘယ်ဆီရောက်နေပြီဆိုတာ ၃လ တစ်ခါ၊ ၆လ တစ်ခါ ကိုယ့်ကိုယ်ကို ပြန်လည်စီစစ် သုံးသပ်ပါ။
ဒါမှလည်း ပန်းတိုင်ရောက်ဖို့ လိုအပ်နေတာတွေ ရှိသေးရင်လည်း ပြင်ဆင်ပြီး ထပ်ဖြည့်လို့ရတာပေါ့။
နောက်ဆုံးရဲ့ နောက်ဆုံးအနေနဲ့ Proactive သမား ဖြစ်လိုတဲ့စိတ် လိုလိုလားလားရှိပြီး လုပ်ရမည့် အရာတွေကို သက်သက်မှတ်မှတ်နဲ့ လုပ်ကိုလုပ်မှ ရမယ်ဆိုတဲ့ စိတ်တွေနဲ့ ကြိုးစားမှ ရည်မှန်းထားတာတွေ အောင်အောင်မြင်မြင် ဖြစ်လာမှာပါ။
ကျန်းမာအောင် နေကြပါ
အခုလို ကိုဗစ် ဆိုးရွားလာတဲ့ ကာလမှာ မိတ်ဆွေ မိတ်ဆွေ ကိုယ်တိုင်ရော၊ မိသားစုတွေကိုပါ ပိုပြီးဂရုစိုက်ဖို့ လိုအပ်လာပါပြီ။
