Marketing လုပ်တဲ့ သူတိုင်း STP ကို သိထားဖို့လိုပါတယ်။
STP က ဘာလဲဆိုတော့…
– Segmentation (စျေးကွက်ခွဲခြမ်းစိတ်ဖြာခြင်း)
– Targeting (ပစ်မှတ်ထားမည့် စျေးကွက်ကို ရွေးချယ်ခြင်း)
– Positioning (ရွေးချယ်ထားသည့် စျေးကွက်အတွင်း ဝင်ရောက်ခြင်း) တို့ပဲဖြစ်ပါတယ်။
STP ထဲက Segmentation (စျေးကွက်ခွဲခြမ်းစိတ်ဖြာခြင်း) ကို အသေးစိတ် ပြောပြပေးချင်ပါတယ်။
– Segmentation (စျေးကွက်ခွဲခြမ်းစိတ်ဖြာခြင်း)
Customer Segmentation လုပ်တဲ့အခါ ဖြစ်နိုင်ခြေ ရှိတဲ့ Segment (၃)ခုလောက်ကို အရင်ဆုံး ခွဲထားသင့်ပါတယ်။ ထို Segment တွေထဲကမှ ဘယ်် Segment က ပိုပြီးသင့်တော်လည်းဆိုတာကို ရွေးချယ်ပြီး Targeting လုပ်ရမှာပါ။
မိမိ Brand အတွက် Customer Segmentation လုပ်တဲ့အခါမှာ အောက်ပါ အချက် (၄)ချက်လုံးကို ထည့်သွင်းစဥ်းစားပြီး ခွဲရမှာပဲဖြစ်ပါတယ်။
1. Geographic segmentation
Geographic segmentation ဆိုတာ ဘယ်နိုင်ငံ၊ တိုင်းနဲ့ ပြည်နယ်တွေမှာ နေတာလဲ၊ ဘယ်လို ရေမြေအနေအထားပေါ်မှာ နေနေတဲ့ Customerလည်းဆိုတဲ့ အချက်ပေါ်မှာ မူတည်ပြီး ခွဲခြမ်းစိတ်ဖြာတာပဲ ဖြစ်ပါတယ်။
ဥပမာ တစ်ခုပေးရရင် မိမိ brand က ရန်ကုန်၊ မန္တလေး စတဲ့ မြို့ကြီးတွေကို ရောင်းမှာလား…ဒါမှမဟုတ် နယ်မြို့လေးတွေကို ရောင်းမှာလား စသဖြင့်ပေါ့။ ရောင်းမည်ဆိုပြီး ချိန်ထားတဲ့နေရာတွေမှာ ရောင်းရနိုင်ခြေများနေမှာ ထိုနေရာတွေကို ရောင်းဖို့ ထည့်သွင်းသင့်ပါတယ်။
2. Demographic segmentation
Demographic segmentation ဆိုတာ လူတွေရဲ့ အသက်အရွယ်တွေ၊ ကျား လား – မ လားဆိုတာတွေ၊ ပညာအရည်အချင်း နဲ့ အလုပ်အကိုင်တွေ ပေါ်မူတည်ပြီး ခွဲခြမ်းစိတ်ဖြာတာပဲ ဖြစ်ပါတယ်။
ဥပမာ တစ်ခုပေးရရင် Coca Colaမှာ ရှိတဲ့ အချိုရည် Brand အကုန်လုံးဟာ လူငယ်တွေကို အဓိကထားတယ်ဆိုပေမယ့် target ထားတဲ့ အသက်အရွယ် တစ်ခုနဲ့ တစ်ခု မတူကြပါဘူး။
3. Behavioral segmentation
Behavioral segmentation ဆိုတာ ဝယ်သူတွေက မိမိ brand နဲ့ ဘယ်လိုထိတွေ့နေသလဲ : သူတို့ ဘာတွေ ဝယ်နေသလဲ/ ဘယ်အချိန်တွေမှာ ဝယ်နေသလဲ/ သူတို့ social media ပေါ်ရော၊ offline
မှာပါ ဘာတွေရှာဖွေနေတာလဲ ပေါ်မှာမူတည်ပြီး ခွဲခြမ်းစိတ်ဖြာတာပဲ ဖြစ်ပါတယ်။
ဥပမာ ပေးရရင် သွားတိုက်ဆေး ရောင်းတယ်ဆိုပါစို့။ တစ်လမှာ သွားတိုက်ဆေး ဘယ်နှစ်ခါ ဝယ်တတ် လူ ဖြစ်မလဲ။ အဲ့လူမျိုးတွေက Social Media ပေါ်တွေမှာ သွားနဲ့ ပက်သက်ပြီး ဘာတွေ ရှာဖွေနေတတ်သလဲ စတာတွေကို ထည့်သွင်း ကြည့်ရပါမယ်။
4. Psychographic segmentation
Psychographic segmentation ဆိုတာ လူတွေရဲ့ နေထိုင်မှုပုံစံတွေ/ သူတို့ရဲ့ ဝါသနာတွေ/ လုပ်ဆောင်နေတဲ့ အရာတွေ၊ အတွေးအခေါ်တွေ ပေါ်မူတည်ပြီး ဘယ်သူက ကိုယ့်ရဲ့ ဝယ်သူတွေ ဖြစ်နိုင်လည်းဆိုတာကို ကြည့်ပြီး ခွဲခြမ်းစိတ်ဖြာတာပဲ ဖြစ်ပါတယ်။
ဥပမာ ပေးရရင် အားကစားကို လိုက်စားတတ်တဲ့သူတွေကို အားကစားပစ္စည်းတွေ ရောင်းတာမျိုးပေါ့။
