မိဘတွေဟာ သားသမီးတွေအတွက် အမြဲတမ်း အကောင်းဆုံးတွေကိုပဲ ဖန်းတီးပေးချင်နေတဲ့သူတွေပါ။
သူတို့အတွက် ရယူခြင်းမရှိတဲ့ ပေးဆပ်သူ သက်သက်တွေပါ။
သားသမီး တွေ အောင်မြင်တာကိုပဲ အမြဲမြင်ချင်နေတဲ့သူတွေပေါ့….
အဖေတွေဟာ သားသမီးတွေအတွက်၊ အိမ်အတွက် လိုအပ်တဲ့အရာတွေ ဖြည့်ဆည်းနိုင်အောင် မညည်းမညူ ရှာဖွေပေးနေတဲ့သူတွေပါ။
အမေတွေဟာလည်း သားသမီးတွေအတွက်၊ ခင်ပွန်းအတွက် စားရေးသောက်ရေးနဲ့ အိမ်မှုကိစ္စတွေကို အကောင်းမွန်ဆုံးဖြစ်အောင် စီစဥ်ပေးနေတဲ့သူတွေပါ။
သူတို့အတွက် လိုအပ်တာ သားသမီးတွေရဲ့ အောင်မြင်မှုတွေ၊ ချစ်ခြင်းတွေ နဲ့ သိတတ်နားလည်မှုတွေပေါ့။
ကိုယ့်သားသမီးတွေ ဘယ်လောက်ဆိုးဆိုး ဆိုးတယ်လို့မမြင်ဘဲ အမြဲဂရုတစိုက် ချစ်ခင်ပေးတာက မိဘပါပဲ။
ဒါဟာ မိဘရဲ့ နွေးထွေးလှတဲ့ မေတ္တာတရားတွေပဲ ဖြစ်ပါတယ်…
ပင်ပန်းရင်တောင် သားသမီးတွေရဲ့အချစ်တွေနဲ့ အမြဲအားပြန် ဖြည့်တတ်သူတွေပါ။
စုန်ရေတာ ရှိပြီး ဆန်ရေမရှိတဲ့ မိဘမေတ္တာတရားကို လူငယ်တိုင်း တန်ဖိုးထား နားလည်ဖို့ လိုအပ်ပါတယ်။
အခုလို ရောဂါတွေ အရမ်းဖြစ်နေတဲ့ ကာလမျိုးမှာ မိဘတွေကို သေချာ ဂရုစိုက် ချစ်ပေးဖို့လိုပါတယ်။
အိမ်အပြင် မထွက်ဖို့
ဘာဝယ်ဝယ် ဆေးဖြန်းယူဖို့
လက်ခဏခဏ ဆေးဖို့
အသက်ရှုလေ့ကျင့်ခန်း ပုံမှန်လုပ်ဖို့
အားရှိတာတွေကို သေချာ စားဖို့
သောက်စရာရှိတဲ့ ဆေးတွေကို သေချာသောက်ဖို့ အမြဲသတိပေး ဂရုစိုက်ပေးနေဖို့လိုပါတယ်။
အခုလို အချိန်ဟာ မိဘရဲ့ မေတ္တာတရားကို နားလည်ပြီး သေချာ ဂရုစိုက်ပေးကြပါ။
မိတ်ဆွေအနေနဲ့ ဘဝရဲ့ အစိတ်အပိုင်းတွေမှာ မိဘတွေအတွက် ဘာတွေလုပ်ပေးပြီးပြီလဲဲဆိုတာ ကိုယ်တိုင် ဆန်းစစ်ကြပါ။
မိဘနဲ့ ချစ်ချစ်ခင်ခင် နွေးနွေးထွေးထွေးနေပြီး လိုအပ်တာကို လုပ်ပေးပြီးပါ။
ဆွေမျိုးသားချင်းတွေကို ဂရုစိုက်ကြပါ။
တစ်ယောက်နဲ့ တစ်ယောက်….
နွေးထွေးကြင်နာမှုတွေပေးနေဖို့၊
အကူအညီတွေ ပေးနေဖို့လည်း လိုအပ်ပါတယ်နော်…
