English စာသင်တဲ့အခါမှာ လူတော်တော်များများအတွက် ဒုတိယအခက်ဆုံးက Writing ပဲ ဖြစ်ပါတယ်။
ခက်တယ်ဆိုရအောာင်လည်း တကယ်က ပုံမှန် ရေးကျင့် မနေလို့ပါ။
Speaking ကောင်းချင်ရင် များများပြောဖို့ လိုအပ်သလို Writing ကောင်းဖို့ဆိုရင်လည်း များများ ပြောဖို့လိုအပ်ပါတယ်။
မိတ်ဆွေဟာ Beginner ပဲဖြစ်ဖြစ်၊ Intermediate ဖြစ်နေပါစေအုံး…
အောက်မှာပြောပြထားတဲ့ အချက်လေးတွေက မိတ်ဆွေ English Writing လေ့လာတဲ့နေရာမှာ အများကြီး အထောက်အကူ ဖြစ်စေမှာပါ။
၁။ ။ စာများများ ရေးကျင့်ပါ
Writing ကောင်းချင်တယ်ဆိုရင်တော့ အဓိက အရေးကြီးဆုံးက ရေးကျင့်နေဖို့ပါ။
လုံးဝ မရေးတတ်သေးလို့ မရေးတာ ပြဿနာမဟုတ်ပါဘူး။
ရေးတတ်ရဲ့သားနဲ့ ရေးရမှာကြောက်လို့ဆိုပြီး မရေးဘဲနေမှ မရေးတတ်ဘဲ ဖြစ်သွားမှာပါ။
ဒါကြောင့် ကိုယ်ရေးတတ်သလောက်ကို တစ်နေ့ တစ်ပုဒ် စရေးပါ။
စာပိုဒ် တစ်ပိုဒ်၊ စာလုံးရေ ၁၀၀ စသဖြင့် ရေးနိုင်သလောက် ပုံမှန်လေး ရေးပါ။
နောက်မှ စာလုံးရေ များများနဲ့ ဖတ်လို့ကောင်းတဲ့စာတွေ ရေးနိုင်အောင်အထိ လေ့ကျင့်လိုက်ပါ။
၂။ ။ Build your Vocabulary
Writing Skill တိုးတတ်လာဖို့ဆို နောက်ထပ်လိုအပ်တာက Vocabulary ကြွယ်ဝနေဖို့ပါ။
နေ့စဥ် Vocabulary အသစ် (၅)လုံး ၊ (၁၀)လုံး ကို ဖတ်မှတ်ပါ။
ဖတ်မှတ်တဲ့အခါမှာလည်း စကားလုံးတစ်လုံးမှာရှိတဲ့ Noun, Verb, Adj, Adv တစ်ခုစီရဲ့ အဓိပ္ပာယ်တွေကို သိအောင်လုပ်ပြီး Example စာကြောင်းတွေနဲ့ တွဲလေ့လာပါ။
အဲ့ စကားလုံးရဲ့ Synonyms တွေ၊ Antonyms တွေ၊ Collocation တွေ၊ Phrases တွေ ကို လေ့လာပါ။
Writing လေ့ကျင့်တဲ့အခါတိုင်း ဖတ်မှတ်ထားတဲ့ စကားလုံး အသစ်တွေကို ပြန်အသုံးချကြည့်ပါ။
ကိုယ့်ကိုယ်ကို Vocabulary Challange တွေ လုပ်ပြီးလည်း ပြန်လည်ဆန်းစစ်သင့်ပါတယ်။
Vocabulary ကြွယ်ဝတဲ့အခါ စကားလုံးတွေကို မထပ်အောင် ရေးနိုင်သွားမှာပါ။
၃။ ။ Grammar ကို သေချာ ပြန်လေ့လာပါ
မြန်မာ ကျောင်းသား၊ ကျောင်းသူတွေ တော်တော်များများကတော့ Grammar ကို တော်တော် ပိုင်ကြပါတယ်။
ဒါပေမယ့် Grammar တွေကိုရပါတယ်ဆိုပြီး သေချာ မလေ့လာ၊ မရေးနိုင်ဘူးဆိုပြီီး မရေးဘဲ နေနေတာတွေကြောင့် Grammar အသုံးအနှုန်းတွေကို သေချာ မသိသလို ဖြစ်နေတတ်ပါတယ်။
အခြေခံ Grammar တွေကို သိနေရင်တောင် စာအရေးအသားကောင်းဖို့ကတော့ Grammar ကို နောကျေနေဖို့ လိုပါတယ်။
Writing တိုးတက်လာချင်ရင်တော့ Grammar ကို သေချာလေး ပြန်လေ့လာပြီး အသုံးကျ ရေးသားသင့်ပါတယ်။
၄။ ။ စာရေးပြီးတိုင်း စာလုံးပေါင်း သတ်ပုံ စစ်ပါ
English Writing တွေ ရေးပြီးတိုင်း စာလုံးပေါင်း သတ်ပုံ စစ်သင့်ပါတယ်။
မှားမှာကိုတော့ မကြောက်ပါနဲ့။
မှားပါများမှ အမှန်ကို မှတ်မိပြီး နောက်ရေးတဲ့အခါ မမှားတော့ဘူးပေါ့။
စာလုံးပေါင်းတွေ၊ Tenseတွေ စစ်တတ်တဲ့ အကျင့်တော့ မွေးထားသင့်ပါတယ်။
၅။ ။ English လိုရေးထားတဲ့စာတွေ များများဖတ်ပါ
———————————
English စာအုပ်တွေ၊ Websiteတွေ၊ မဂ္ဂဇင်းတွေ ဖတ်တာများမှလည်း စာရေးစွမ်းရည်က တိုးတက်လာမှာပါ။
English စာရေးသားသူတွေက ဘယ်လိုရေးလည်းဆိုတာတွေကို လေ့လာပြီး…
ကိုယ်ကြိုက်တဲ့၊ သဘောကျတဲ့ စာကြောင်းလေးတွေ့ရင် Highlight လုပ်၊
အကျိုးရှိတဲ့ စာကြောင်းလေးတွေကို ကိုယ်ရေးတဲ့အခါကျ ဘယ်လိုသုံးရမလည်းဆိုတာ စဥ်းစား၊
ပြီးရင် ကိုယ်ပိုင်ဟန်နဲ့ ရေးနိုင်အောင် ကြိုးစားရပါမယ်။
ဒီလိုတွေဖြစ်ဖို့ကလည်း English Novel တွေ၊ Website တွေ အပြင် အခြားအခြားသောစာတွေကို ပုံမှန် ဖတ်နေဖို့ လိုပါတယ်။
၆။ ။ Diary ကို English လို ရေးပါ
Diary ပုံမှန် ရေးတတ််တဲ့သူတွေအတွက်ကတော့ သိပ်တော့ခက်မယ် မထင်ပါဘူး။
ကိုယ် နေ့စဥ် ရေးသားနေတာကို မြန်မာလိုအစား၊ English လို ပြောင်းရေးကြည့်လိုက်ပါ။
ရေးတာကြာလာတာနဲ့အမျှ အပြောင်းအလဲတွေကို တွေ့မြင်ရမှာပါ။
Diary မရေးတတ်တဲ့သူတွေကလည်း…
အခုကစပြီး Diary ကို English လို စရေးကြည့်ပါ။
စီကာပတ်ကုံံး မရေးနိုင်သေးရင်တောင် Note အတိုလေးတွေ စရေးကြည့်ပါ။
၇။ ။ Writing ရေးကျင့်ပြီးတိုင်း တတ်ကျွမ်းနားလည်သူတွေကို ပြပြီး Feedback တောင်းပါ
ပထမဆုံး အနေနဲ့ နေ့စဥ် ရေးကျင့်ပါ။
ထို့နောက် ရေးကျင့်ထားတဲ့ စာတွေကို တတ်ကျွမ်းနားလည်သူတွေအား ဖတ်ခိုင်းကြည့်ပါ။
ပြီးရင်တော့ သူတို့ဆီက ဘယ်လိိိုပိုကောင်းအောင်် လုပ်သင့်သလဲဆိုတာကို အကြံဥာဏ်တွေကို တောင်းပါ။
———
“ရေရှည် ပုံမှန်လေ့ကျင့်မှ ပိုမိုတိုးတက်လာမှာပါ”
ဒီတော့ အပေါ်မှာဖော်ပြထားတဲ့အချက်တွေက မိတ်ဆွေတို့ရဲ့ English Writing Skill တိုးတက်လာဖို့အတွက် အကျိုးရှိလိမ့်မယ်လို့ ယုံကြည်ပါတယ်
