Content Writer တစ်ယောက်ဖြစ်ဖို့ တကယ်မဖြစ်မနေ တစ်ခုတော့လိုအပ်ပါတယ်…
အဲ့လိုစာများများရေးမှလည်း တဖြည်းဖြည်း သင့်ရဲ့စာတွေက ပိုပိုကောင်းလာမှာပဲဖြစ်ပါတယ်။
Brand တွေအတွက် Content Writer ဖြစ်ဖို့ကတော့…
– မိတ်ဆွေရဲ့ Brand အကြောင်းတွေ၊
– Personality တွေ၊
– tag line တွေ၊
– Tone of Voice တွေကို သေချာ နောကျေနေဖို့လိုပါမယ်။
(နောက် Post တွေမှ အကျယ်တဝင့် ပြောပြပေးပါမယ်)
ဒီတော့…
Content Writer ဖြစ်ချင်တဲ့ မိတ်ဆွေတို့အတွက် အောက်မှာဖော်ပြထားတဲ့ အချက်တွေက အများကြီး အထောက်အကူပြုစေမှာပါ။
၁။ ။ ရေးပါ၊ ရေးပါ၊ ရေးပါ
Content Writer ဖြစ်ချင်ရင်တော့ Content များများ ရေးကိုရေးရပါမယ်။
ရေးလိုက်တဲ့ Content မကောင်းမှာဆိုးလို့ဆိုပြီး မရေးဘဲနေနေတာက မိတ်ဆွေရဲ့ လုပ်နိုင်စွမ်းကို ပိုကျစေပါတယ်။
ပုံမှန် အမြဲရေးကျင့်ကြည့်ပါ။
ရေးတာများလာတဲ့အခါ မိတ်ဆွေရဲ့ ရေးနိုင်စွမ်းအား တိုးတက်လာတာကိုလည်း တွေ့မြင်ရမှာပါ။
၂။ ။ Pick Niche
ကိုယ်က ဘယ်လိုစာမျိုးရေးရတာကို စိတ်ဝင်စားပြီး ရေးရင်ပိုအားသန်သလဲဆိုတာကို အရင်ဆုံးရှာပါ။
Business
Psychology
Beauty
Food
Technology
Environment စတာတွေထဲက ကိုယ်စိတ်ဝင်တစားရေးမယ့် Area ကို ရွေးချယ်ပါ။
အပေါ်က တစ်ခုချင်းစီကိုလည်း အသေးစိတ် ထပ်ခွဲလို့ရပါသေးတယ်။
မိတ်ဆွေရဲ့စာတွေကို ဖတ်မယ့် Target Audience ကို သေချာစီစစ်ပြီး ရွေးချယ်တာဟာ…
ရေးရတဲ့မိတ်ဆွေအတွက်ရော၊ စာဖတ်တဲ့သူအတွက်ပါ ပိုပြီး အကျိုးရှိစေပါတယ်။
ရှာရတာတဲ့အခါမှာလည်း လွယ်သလို “သူက ဘာအကြောင်းတွေကို အဓိကထားရေးတာ” စသဖြင့် စာဖတ်သူတွေအချင်းချင်းပြောကြရင်း word-of-mouth ကိုလည်း တိုးလာစေပါတယ်။
၃။ ။ ကိုယ်ပိုင်စာရေးမည့် Facebook Page လေးတစ်ခုလုပ်ပါ။
Content Writer တစ်ယောက် အတွက် Facebook ဟာ အကောင်းဆုံး Audience Network တစ်ခု ဖြစ်ပါတယ်။
အခုမှ Content Writer တစ်ယောက် ဖြစ်ချင်သူတွေအဖို့တော့ ကိုယ်ပိုင် Page လေး Create ပြီး စရေးသင့်ပါတယ်။
နောက်ပိုင်းမှ Content Writer အလုပ်လေးရှာပြီး Brandတွေအတွက် ရေးတာ နောက်မှပေါ့။
၄။ ။ Content Calendar ကို တစ်လစာလောက် ဆွဲတတ်အောင် အရင်ကျင့်ပါ။
အပေါ်မှာ ကိုယ်ရွေးချယ်ထားခဲ့တဲ့ Target Audience အတွက် ကိုယ့်ရဲ့ Pageလေးမှာ ဘာစာတွေရေးမယ်ဆိုတာကို တစ်လစာ ကြိုဆွဲထားသင့်ပါတယ်။
ဆွဲတဲ့အခါမှာလည်း…
နေ့ထူးနေ့မြတ်တွေအတွက်ရော၊
Social Media မှာ Trending ဖြစ်တဲ့ နေ့ရက်အဆန်းလေးတွေကိုပါ ထည့်ပြီး ဆွဲရပါမယ်။
နောက်ပိုင်းမှ ၃လစာ၊ ၆လစာ၊ ၁နှစ်စာ Content Calendar ဆွဲနိုင်အောင်လုပ်ပြီး (၂)ပတ်စာလောက် ကြိုဖန်တီးတတ်တဲ့ အကျင့်လေးကို မွေးထားသင့်ပါတယ်။
၅။ ။ များများရှာ၊ များများဖတ်၊ များများတွေး
Content Writer တစ်ယောက်က Research ကောင်းကောင်းလုပ်တတ်နိုင်ဖို့က တော်တော်အရေးကြီးပါတယ်။
မိတ်ဆွေရေးရမည့် Topic တစ်ခု ကောင်းသထက်ကောင်းဖို့ဆိုရင်…
ထို Topicနဲ့ ပက်သက်တဲ့ အချက်အလက်တွေကို များများရှာပြီး များများဖတ်ဖို့ လိုအပ်ပါတယ်။
ဖတ်ရုံနဲ့ မပြီးသွားဘဲ ရလာတဲ့ အချက်အလက်တွေအပေါ်မှာ ကိုယ်ပိုင်အာဘောနဲ့ ဘယ်လို ကောင်းအောင် ရေးမလဲဆိုတာ Brainstrom လုပ်ဖို့လည်း လိုအပ်ပါတယ်။
ပြီးမှ သေချာ ရေးပါ။
ဒီလိုဆို ကောင်းမွန်တဲ့ Content ကောင်းတွေ ဖြစ်လာစေမှာပါ။
၆။ ။ ပုံပြောကောင်းပါစေ
လူတော်တော်များများက ပုံပြင်တွေ နားထောင်ရတာ ကြိုက်ကြသလို စာဖတ်ကြတဲ့အခါမှာလည်း သူတို့ကို သေချာပြောပြနေသလို ဖြစ်နေတဲ့ စာတွေကို ပိုဖတ်ကြပါတယ်။
Content တစ်ပုဒ်မရေးခင် အပေါ်ကအချက်လေးတွေနဲ့ သေချာပြင်ဆင်ပြီး Content ကောင်းတစ်ပုဒ်ဖြစ်လာအောင်် မိတ်ဆွေ ဖန်တီးဖို့လိုအပ်ပါတယ်။
အချက်အလက်ပြည့်စုံနေရင်တောင် မိတ်ဆွေက စာဖတ်သူတွေကို ကိုယ်တိုင် ပြောပြသလိုလေး ရေးတဲ့အခါ ဖတ်တဲ့သူတွေက ပိုပြီး သဘောကျမှာ ဖြစ်ပါတယ်။
၇။ ။ Eye Catching ဖြစ်မယ့် Headline (ခေါင်းစဥ်) ရေးပါ။
Content တစ်ပုဒ်ကို လူတွေ ဖတ်တယ်၊ မဖတ်ဘူး ဆိုတာ မိတ်ဆွေဖန်တီးထားတဲ့ Headline (ခေါင်းစဥ်) က ဘယ်လောက် စိတ်ဝင်စားဖို့ ကောင်းနေသလဲအပေါ်မှာ မူတည်ပါတယ်။
ရေးထားတဲ့ Headline ကို မြင်လိုက်ရင် ဒီ Content ကိုဆက်မဖတ်ဘဲမနေနိုင်အောင် စွဲဆောင်နိုင်ဖို့လိုပါတယ်။
ဒါကြောင့် Content တစ်ပုဒ်ရဲ့ အသက်က Headline (ခေါင်းစဥ်) ပေါ်မှာ မူတည်နေတယ်လို့ Marketing ဆရာတွေတော်တော်များများက ပြောကြတာပါ။
ဆရာကျလာဖို့ကတော့ များများ ဖန်တီးနေဖို့ပါပဲ။
၈။ ။ Content ရေးပြီးသွားတိုင်း စာလုံးပေါင်း ပြန်စစ်ပါ။
———————-
Beginnerတွေပဲဖြစ်ဖြစ်၊ တော်တော်ရေးတတ်နေတဲ့သူတွေပဲဖြစ်ဖြစ် Content ရေးပြီးတိုင်း စာလုံးပေါင်းသတ်ပုံ ပြန်စစ်သင့်ပါတယ်။
ဘယ်လောက် Perfect ဖြစ်နေပါစေ…
စာလုံးပေါင်းသတ်ပုံ မှားနေတာတွေကြောင့် ရေးထားသမျှ အလကားဖြစ်သွားတတ်ပါတယ်။
ဒါကြောင့် Content ရေးပြီးသွားတိုင်း အနည်းဆုံံး နှစ်ကြိမ်လောက်တော့ စာလုံးပေါင်းသတ်ပုံ စစ်သင့်ပါတယ်။
၉။ ။ Be Consistent
နောက်ဆုံးအနေနဲ့ အရေးကြီးဆုံးအချက်က အမြဲပုံမှန် တစ်သမတ်တည်း ရေးပါ။
အပတ်တိုင်း ပုံမှန်ရေးနေမှ စာဖတ်သူတွေက ပုံမှန်လာဖတ်နေမှာပဲဖြစ်ပါတယ်။
တစ်ပတ်ရေးလိုက် နောက်တစ်ပတ် မရေးလိုက်နဲ့ဆို Page လုပ်ထားပြီး ကိုယ့်ရဲ့လုပ်နိုင်စွမ်းကိုလည်းကျစေသလို မိတ်ဆွေရဲ့ စာတွေကို စောင့်ဖတ်တဲ့သူတွေကိုလည်း မလေးစားသလို ဖြစ်နေပါအုံးမယ်။
ဒါကြောင့် ပုံမှန် ရေးတတ်တဲ့ အကျင့် လုပ်ပါ။
Content Writer ဖြစ်ချင်တဲ့သူတွေအတွက် အပေါ်က အချက်လေးတွေက အများကြီး အထောက်အကူပြုလိမ့်လို့ ယုံကြည်ပါတယ်။