ဒီတစ်ပတ် Ant’s Book Review မှာတော့ ဆရာ ကိုဖြိုး ရေးသားထားတဲ့ “ဒစ်ဂျစ်တယ်မားကက်တင်း နည်းပညာခေတ်ရေစီး” ဆိုတဲ့ စာအုပ်ပဲဖြစ်ပါတယ်။
ဒီစာအုပ်ဟာဆိုရင်ဖြင့် Digital Marketing ကို အခုမှ စတင်လေ့လာသူတွေအတွက်ရော၊ Digital Marketing နဲ့ပက်သက်တဲ့ Knowledgeတွေကို သိလိုသူတွေအတွက်ပါ အထူးသင့်လျော်တဲ့ စာအုပ်လေးပဲ ဖြစ်ပါတယ်။
Digital Marketing Basic Concept လေးတွေအပြင်၊ ပြောင်းလဲလာတဲ့ နည်းပညာခေတ်ရေစီး အကြောင်းတွေကို စာရေးသူက သူ့ရဲ့ကိုယ်ပိုင်အတွေ့အကြုံတွေ အပေါ်အခြေခံပြီး ခေါင်းစဥ်အပိုင်းလေးတွေနဲ့ သုံးသပ်ရေးထားပါတယ်။
Academic ဆန်ဆန် ရေးထားတဲ့စာတွေမဟုတ်လို့ ဖတ်လို့လည်းအဆင်ပြေစေပါတယ်။
Digital Marketing ရယ်၊ Technology ရယ် ဆိုပြီး အပိုင်း (၂) ပိုင်းခွဲပြီး ဆရာ ကိုဖြိုးက ဆွေးနွေးထားပါတယ်။
အပိုင်းတစ်ခုချင်းစီမှာလည်း စိတ်ဝင်စားဖို့ကောင်းတဲ့ခေါင်းစဥ်လေးတွေ ၂၀ ကျော်စီပါဝင်တာဆိုတော့ ဖတ်ရတာလည်း အကြိုက်ပေါ့ဗျာ။
Digital Marekting အောက်မှာဆိုလည်း အခုခေတ်မှာ ရေပန်းစားပြီး မရှိမဖြစ်သိထားသင့်တဲ့ Topics တွေဖြစ်တဲ့…
– Digital Marketing ဆိုတာ ဘာလဲ
– Digital Transformation ဆိုတာ ဘာလဲ
– Digital Branding တည်ဆောက်ခြင်း
– Content Marketing ဘာလို့ အရေးကြီးတာလဲ
– Innovation Marketing က ဘယ်လိုလဲ စသဖြင့် စိတ်ဝင်စားဖို့ကောင်းတဲ့ခေါင်းစဥ်တွေ အများကြီးပါဝင်ပါတယ်။
Digital Marekting အောက်မှာပါတဲ့ကနေ တစ်ကယ်လည်း မှတ်သားသင့်ပြီး Ant သဘောကျတဲ့ စာပိုဒ်လေးကို ဖော်ပြလိုက်ပါတယ်…
“Digital ခေတ်မှာ Digital အကူအညီယူပြီး Branding လုပ်နိုင်ရမယ်။ Customer တွေက ပစ္စည်းတစ်ခုမဝယ်ခင် Review တွေ ဖတ်တဲ့အကျင့်၊ ဝန်ဆောင်မှုတစ်ခု မသုံးခင် Facebook Page မှာဖြစ်ဖြစ်၊ Website မှာဖြစ်ဖြစ် ကြိုလေ့လာတဲ့ အလေ့အထပြောင်းလာကြတယ်။ VALUE တစ်ခုမရှိရင် မသုံးချင်တော့ဘူး”
Technology အောက်မှာဆိုလည်း နည်းပညာခေတ်မှာ တိုးတက်ပြောင်းလဲလာမည့်အကြောင်းတွေ ဖြစ်တဲ့…
– Artificial Intelligence အကြောင်း
– AR & VR ရဲ့ အရေးပါမှုတွေ
– Innovative Chatbot အကြောင်း
– Internet of Things (IOT) ဆိုတာ ဘာလဲ
– နည်းပညာခေတ်ရဲ့ စွန့်ဦးတီထွင်သူများအကြောင်း စသဖြင့် စိတ်ဝင်စားဖို့ကောင်းတဲ့ခေါင်းစဥ်တွေ အများကြီးပါဝင်ပါတယ်။
ဒီလို Digital Marketing အကြောင်းတွေနဲ့ နည်းပညာအကြာင်းတွေကို စာရေးသူရဲ့ အတွေ့အကြုံတွေအပေါ် အခြေခံပြီးရေးထားတာဖြစ်လို့ မိတ်ဆွေတိုင်း ဖတ်သင့်တဲ့စာအုပ်ကောင်းလေးတစ်အုပ် ဖြစ်ပါတယ်။
ဖတ်ဖို့လည်း Recommend ပေးပါတယ်နော်။
စာအုပ်ဝယ်ချင်ရင်လည်း ပန်းဆက်လမ်း စာအုပ်တိုက်ကနေမှာလို့ရတဲ့အပြင် အခြားစာအုပ်ဆိုင်တွေကနေလည်း ဝယ်လို့ရပါတယ်။
နောက်အပတ်မှာလည်း ဘယ်စာရေးဆရာရဲ့ စာအုပ်ကောင်းလေးတွေကို ဖော်ပြပေးအုံးမလဲဆိုတာသိရအောင် Ant Spirit Page နဲ့ Website လေးကို စောင့်ကြည့်ပေးကြပါအုံးနော်။
ဆရာ ကိုဖြိုး ရေးသားထားတဲ့ “ဒီဂျစ်တယ်မားကတ်တင်း နည်းပညာခေတ်ရေစီး” ဆိုတဲ့ စာအုပ်ထဲမှ အကြောင်းအရာတစ်ချို့ကို ဖော်ပြထားတဲ့အတွက်လည်း Pann Satt Lann Books စာအုပ်ထုတ်ဝေရေး နှင့် ဆရာကိုဖြိုးကို Credit ပေးပါတယ်။
